---

Cchiù luntana mme staje,
cchiù vicina te sento.
Chisà a chistu mumento
tu a che pienze? Che faje?

Tu mm'hê miso 'int' 'e vvene
'nu veleno ca è doce.
Nun mme pesa 'sta croce
ca i' trascino pe' tte!

Te voglio, te cerco,
te chiammo!
Te veco, te sento,
te sonno!

È 'n'anno,
ce pienze ca è 'n'anno
ca 'st'uocchie nun ponno
cchiù pace truvà?

E cammino, cammino,
na i' nun saccio addò vaco!
I' stò sempe 'mbriaco
e nun bevo maje vino.

Aggio fatto 'nu voto
â Madonna d' 'a Neve:
Si mme passa 'sta freve,
oro e pperle lle dò!

Te voglio, te cerco,
te chiammo!
Te veco, te sento,
te sonno!

È 'n'anno,
ce pienze ca è 'n'anno
ca 'st'uocchie nun ponno
cchiù pace truvà?

---

Teksty umieszczone na naszej stronie są własnością wytwórni, wykonawców, osób mających do nich prawa.