---

Chianci l'addeu chi ririri 'un fa
sogna neuli niuri chi 'n cielu ci su'
scuru lu cori in un lampu si fa
e di l'occhi sangu ci chiovi.
Sentu cunfusu lu mali e lu beni
c'assigna lu violu chi tortu ora è.
Viri 'na cruci ci vara si fa
la vosi lu patri, 'un chianciri cchiù.

Lu cielu avìa un suli
chi s'agghiuttiu lu patri toi
pi' fari lustru ai criaturi
nni lu to' cori scuru agghiunnau.
Chiantàu
nna li to' mani ''carezzi d'amuri''.
Ti sacrificau
di la cruci si' lu signuri!

Chianci l'addeu rintra la so' culla
china di sangu di anmi 'nnucenti
cantaci 'a nenia di la ninna nanna
iddu sapi chi sorti l'attenni.
Picciliddi sunnu 'n cruci
pi' vuliri di lu patri
supra 'altari nasci un ciuri
supra 'a cruci mori amuri.

---

Teksty umieszczone na naszej stronie są własnością wytwórni, wykonawców, osób mających do nich prawa.