---

Scurusa è la to' 'uciata
chi sula si nni sta'
nni 'sta terra senza stiddi.
Chi cielu anniulatu
chi mari asciuttu hai?
'Unni affucarimi tu voi.
Arrassati ri mia
chi 'nfetti sunnu l'occhi toi
e di lu me chiantu ti nni prei.
Sugnu jo chi fatu tegnu
e do to' amuri nun mi vagnu
comu suli ora splennu
e nno to' fangu jo ti lassu
e a li to' ciuri ora ci pisciu.

Dannata è la to' stirpi
cunnuciuta cu' miseria
nno to' broru lentu mori.
Li to' chianti su' ammucciati
cu' surrisa 'nfrariciuti
e pu' to' cori nun c'è paci.

Massa, tu mi pisi nna lu cori
si sgraziata senza fumma
e sangu 'unn'hai cchiù.
Massa,li to' figghi senza amuri
m'avvilenanu lu stari
nni 'sta terra unn'è cun' chiovi cchiù.

---

Teksty umieszczone na naszej stronie są własnością wytwórni, wykonawców, osób mających do nich prawa.