Piscatore 'e 'stu mare 'e Pusilleco
Ch'ogne notte mme siente 'e cantà
Piscató, 'sti pparole so' lacreme
Pe' Maria ca luntana mme sta
Dorme 'o mare, voca, voca
Tutt'è pace attuorno a me
Ma pecché
Ma pecché mm'hê lassato
Mentr'io moro, stanotte, pe' tte?
Casarella d' 'o Capo 'e Pusilleco
Spónta 'a luna e te vène a vasà
Quanta notte aggio perzo guardànnote
Quanta juorne aggio visto schiarà
Dorme 'o mare, voca, voca
Tutt'è pace attuorno a me
Ma pecché
Ma pecché mm'hê lassato
Mentr'io moro, stanotte, pe' tte?
Zitto, oje core, ca 'nterra Pusilleco
Veco 'n'ombra ca segno mme fa
'Na manélla e 'na voce mme chiàmmano
Fra 'sti bbracce Maria vo' turnà
Dorme 'o mare, oje bella viene
'Ncielo 'a luna saglie e va
Vita mia
Vita mia, mme vuó bene?
Ca si è suonno, nun farme scetà
Dorme 'o mare, voca, voca...
Teksty umieszczone na naszej stronie są własnością wytwórni, wykonawców, osób mających do nich prawa. |
|
