---

Gans kledha da ha dorn yw lel,
Gwir lowen an golonn
Yth aswonn Myghtern Jamys fel
Pandr’ wrello Kernowyon.
Yw ordnys prys ha le ankow?
‘Verow Trelawny bras?
Ottomma ugens mil Gernow
A wodhvydh oll an kas.

‘Verow Trelawny bras?
‘Verow Trelawny bras?
Ottoma ugens mil Gernow
A wodhvydh oll an kas!

Yn-medh an kapten, byw y woes,
Gwas joliv yn mysk kans:
“Tour Loundres kyn fe Karrek Loes
Y’n delirvsen dehwans.
Ni a dres Tamar, tir dhe dir,
An Havren ny’gan lett;
Ha skoedh ryb skoedh, kowetha wir,
Piw orthyn ni a sett?

‘Verow Trelawny bras?
‘Verow Trelawny bras?
Ottoma ugens mil Gernow
A wodhvydh oll an kas!

Devedhys bys yn fos Loundres
“Gwel teg dhyn” ni a gri;
“Dewgh mes, ownegyon oll, dewgh mes,
Gwell dus on esowgh hwi!”
Trelawny yw avel felon
Fast yn kargharow tynn
Mes ugens mil a Gernowyon
Godhvos an ken a vynn.

‘Verow Trelawny bras?
‘Verow Trelawny bras?
Ottoma ugens mil Gernow
A wodhvydh oll an kas!

---

Teksty umieszczone na naszej stronie są własnością wytwórni, wykonawców, osób mających do nich prawa.