---

O Euchari
in leta via ambulasti,
ubi cum filio Dei mansisti,
illum tangendo
et miracuòa cius que fecit videndo.

Tu eum perfecte amasti
Cum sodales tui exterriti erant,
pro eo quod homines erant,
nec possibilitatem habebant
bona perfecta intueri.

Tu ateum in artente amore plene caritatis
Illum amplexus es
Cum manipulos preceptorum eius
Ad te collegisti.

O Euchari,
valde beatus fuisti
cum Verbum Dei
te in igne columbe imbuit,
ubi tu quasi aurora illuminatus es,
et sic fundamentum ecclesie
edificasti.

Et in pectore tuo
Choruscat dies
In quo tria tabernacula
Superra marmoream columpnam stant
In civitate Dei.

Per os tuum Ecclesia ruminat
Vetus et novum vinum,
videlicet poculum sanctitatis

Sed et in tua doctrina
Ecclesia effecta est racionalis,
ita quod supra montes clamavit
ut colles et ligna se declinarent
ac mamillas illius sugerent.

Nunc in tua clara voce
Filium Dei ora pro hac turba
Ne in cerimoniis Dei deficiat,
sed ut vivens holocaustum
ante altare Dei fiat.

---

Teksty umieszczone na naszej stronie są własnością wytwórni, wykonawców, osób mających do nich prawa.