Alison Cross lives in yon tower The ugliest witch in the north countrie She's trysted me ae day 'til her bower And mony's the braw speech she made tae me
She showed me a mantle o reid scarlet Weel wrocht wi gowd and fringes fine Says, "Gin ye'll be my leman sae true This gudely gift, it shall be thine"
"Awa, awa ye ugly witch Haud far awa and let me be Afore I'll kiss yer ugly mou I'd raither toddle aroond the tree"
She showed me a sark o the saftest silk Weel wrocht wi pearls abune the band Says, "Gin ye'll be my leman sae true This gudely gift's at your command"
An' she's ta'en oot her grass-green horn She blew it three times loud and shrill She swore by the moon and the stars abune She'd gar me rue the day I ever was born
An' she's ta'en oot her silvery wand She straiked it three time o'er her knee She muttered sic words as my senses failed I fell doon senseless tae the groond
It fell upon last Hallowe'en When the seely coort cam riding by The queen's lichtit doon on a gowany bank Nae far fae the tree whaur I did lie
An' she's ta'en oot her silvery wand She straiked it three times o'er her knee She turned me back tae ma proper shape Nae mair tae toddle aroond the treeTeksty umieszczone na naszej stronie są własnością wytwórni, wykonawców, osób mających do nich prawa.
