Quant en moy vint premierement Amours, si tres doucettement me vost mon cuer enamourer que d'un resgart me fist present. et tres amoures sentiment me donna aveuc doulz penser. espoir d'avoir Merci sans refuser. Mais onques en tout mon vivant Hardement ne me vost donner; et si me fait en desirant penser si amoureusement que, par force de desirer. ma joie convient en tourment muer, se je n'ay hardement. Las! et je n'en puis recouvrer. qu'Amours secours ne me wet nul prester. qui en ses las si durement me tient que n'en puis eschaper; ne je ne weil, qu'en atendant sa grace je weil humblement toutes ces doleurs endurer. Et s'Amours loyal se consent que ma douce dame au corps gent me weille son ami clamer. je scay, de vray que aray, sans finer. joie qu'Amours a fin amant doit pour ses maus guerredonner. Mais elle atent trop longuement et j'aimme si follettement que je n'oze merci rouver. car j'aim mieus vivre en esperant d'avoir merci procheinnement que Refus me veingne tuer. Et pour ce di en souspirant: Grant folie est de tant amer que de son doulz face on amer.Teksty umieszczone na naszej stronie są własnością wytwórni, wykonawców, osób mających do nich prawa.
