---

Je vivroie liement,
Douce creature,
Se vous saviés vraiement,
Qu'en vous fust parfaitement ma cure.

Dame de meintieng joli,
Plaisant, nette et pure,
Souvent me fait dire 'ai mi!'
Li maus que j'endure

Pur vous servir loyaument.
Et soié seüre
Que je ne puis nullement
Vivre einssi, se longuement
Me dure.

Car vous m'estes sans mercy
Et sans pité dure.
et s'avés le cuer de mi
Mis en tel ardure

Qu'il morra certeinnement
De mort trop obscure,
Se pour son aligement
Merci n'est procheinnement
Meüre.

---

Teksty umieszczone na naszej stronie są własnością wytwórni, wykonawców, osób mających do nich prawa.