Quanno staje fore a 'sta loggia Sott'a 'stu bellu grillaggio Fresca, accussì, leggia leggia Sî 'na rusélla 'e maggio Si è triste, 'o cielo se schiara Cchiù prufumate so' 'e sciure Ll'aucielle cantano a coro Mentr'io suspiro
Rusélla 'e maggio mia Rusélla 'e maggio Tu sî caduta 'â cielo 'Ncopp'a 'sta loggia Te vasa 'nfronte 'o sole Cu 'o meglio raggio Rusélla 'e maggio mia Rusélla 'e maggio
Quanno po cuse, io mme 'ncanto 'Sti mmane toje tengo mente Pare che 'a sott'a 'sti punte Proprio 'nu sciore sponta Tanno, 'a te voglio 'na cosa Pe' mme fà jì 'mparaviso: Ca 'nu ricamo cianciuso Mme faje cu 'e vase
Rusélla 'e maggio mia Rusélla 'e maggio Tu sî caduta 'â cielo 'Ncopp'a 'sta loggia Te vasa 'nfronte 'o sole Cu 'o meglio raggio Rusélla 'e maggio mia Rusélla 'e maggio
E si cantà po te fanno 'O viento passa e, sentenno Comm'a 'na radio, p' 'o munno 'Sta bella voce incante Corre p' 'e monte e p' 'e mare E doce va p'ògne core Purtanno gioje e suspire D' 'a primmavera
Te vasa 'nfronte 'o sole Cu 'o meglio raggio Rusélla 'e maggio mia Rusélla 'e maggioTeksty umieszczone na naszej stronie są własnością wytwórni, wykonawców, osób mających do nich prawa.
