---

0hei mi l'alter dí sont andàa in via Larga
per ritirà di ritratt ch'hoo faa fà
A voo denter, el padron el me guarda
tiri foeura i danee per pagà

Ciappi i ritratt, i foo sú cont on foeuj
‘poggi sul tavol el mè portafoeuj
Oh che vaccada che hoo mai fàa mi
el mè portafoeuj me l'han bell e rostii

Ma mi sicur de la mia mettuda
ghe spuj in d'on oeucc e ghe strasci la muda
Ma Iú el me dis: mè car Luis
el tò portafoeuj l'è giamò in paradis

Voo de corsa a la posta central
per podè ma de rintraccial
L'impiegaa el me dis: Vittori
el tò portafoeuj l'è giamò in purgatori

Gh'era dent dusent franch ma de quej mínga matt
dovevi toeu dusént cravatt
on'oca o dò cont trii o quatter polaster
on pè de cà cont insemma el capp master


Toeuvi on vagon de pasta lasagna
dovevi mandà la morosa in campagna
e cont el rest del mè capital
dovevi passà tutt'ì fest de Natal

Gh'era dent on bigliett de la Questura
de presentass cont on poo de premura
e insemma a i alter mè document
la lista di debit che gh'hoo con la gent

Mi l'altra mattina sont ancamò in lett
la mia miee la me porta on bigliett
el tò portafoeuj el se troeuva in Toscana
sveglia che gh'hoo de fà su l'ottomana

---

Teksty umieszczone na naszej stronie są własnością wytwórni, wykonawców, osób mających do nich prawa.