---

Tiene mente 'sta palomma
Comme ggira, comm'avota
Comme torna 'n'ata vota
'Sta ceroggena a tentà!
Palummè, chist'è 'nu lume
Nun è rosa o giesummino
E tu a fforza ccà vvicino
Te vuò mettere a vulà!

Vattenn' 'a lloco!
Vattenne, pazzarella!
Va', palummella, e torna
E torna a 'st'aria
Accussì fresca e bella!
'O bbì ca i' pure
Mm'abbaglio, m'alluntano
E ca mm'abbrucio 'a mano
Pe' te ne vulè...

Carulì, pe' 'nu capriccio
Tu vuò fà scuntento a 'n'ato
E po', quanno ll'hê lassato
Tu addu 'n'ato vuò vulà
Troppe core staje strignenno
Cu 'sti mmane piccerelle
Ma fernisce ca 'sti scelle
Prima o poi te l'he abbrucià

Vattenn' 'a lloco!
Vattenne, pazzarella!
Va', palummella, e torna
E torna a 'st'aria
Accussì fresca e bella!
'O bbì ca i' pure
Mm'abbaglio, m'alluntano
E ca mm'abbrucio 'a mano
Pe' te ne vulè caccià?

'O bbì ca i' pure
Mm'abbaglio, m'alluntano
E ca mm'abbrucio 'a mano
Pe' te ne vulè caccià?

---

Teksty umieszczone na naszej stronie są własnością wytwórni, wykonawców, osób mających do nich prawa.