Co sto afar del si e del no
moleghe ‘n ponto, moleghe ‘n ponto,
co sto afar del si e del no
molèghe ‘n ponto tutti do!
Marieta, monta in gondola
che mi te porto al Lido.
Mi no, che no’ me fido,
ti è massa un impostor.
Cossa te disi cocoa?
Perchè, se in quel boscheto…
…Ti m’ha scroca’ un baseto
per pissegarme el cuor.
E tiche-tiche-ti, ti ghe disi “no”
ma mi so’ che te bate el cuore,
tiche-tiche-tà, anca lu lo sa
che a Venessia l’amor se fa in gondoleta.
Digo no, no’ ghe vegno, no!
Co sto afar del si e del no
moleghe ‘n ponto, moleghe ‘n ponto,
co sto afar del si e del no
molèghe ‘n ponto tutti do!
Ma guarda che spetacolo,
la luna xè d’argento.
No far del sentimento
cossa te vol, mi so’!
Sora le tonde cupoe,
voan le colombele.
E zònteghe pur le stele
ma no me fido, no!
E tiche-tiche-ti, ti ghe disi “no”
ma mi so’ che te bate el cuore,
tiche-tiche-tà, anca lu lo sa
che a Venessia l’amor se fa in gondoleta.
Digo no, no’ ghe vegno, no!
Co sto afar del si e del no
moleghe ‘n ponto, moleghe ‘n ponto,
co sto afar del si e del no
molèghe ‘n ponto tutti do!
Va ben, va ben finimola,
mi ciapo un’altra strada
Te fa una balossada,
no so se te convien.
Mi cercarò Felicita
per farte un bel dispeto.
Mi no che no permeto
perchè te voglio ben!
E tiche-tiche-ti, ti ghe disi “sì”
anca a mi, sì, me bate el cuore,
tiche-tiche-tà, che felicità,
a Venessia l’amor se fa in gondoleta.
In gondoleta,
in gondoleta te darò un basin!
Teksty umieszczone na naszej stronie są własnością wytwórni, wykonawców, osób mających do nich prawa. |
|
