Io nun capisco, ê vvote, che succede E chello ca se vede Nun se crede! Nun se crede! È nato 'nu criaturo niro, niro E 'a mamma 'o chiamma Giro! Sissignore, 'o chiamma Giro!
Seh! Gira e vota, seh! Seh! Vota e gira, seh! Ca tu 'o chiamme Ciccio o 'Ntuonno Ca tu 'o chiamme Peppe o Giro Chillo, 'o fatto, è niro, niro Niro, niro comm'a cchè!
Ha ditto 'o parulano: "Embè, parlammo Pecché, si raggiunammo Chistu fatto nce 'o spiegammo! Addò pastine 'o ggrano, 'o ggrano cresce Riesce o nun riesce Sempe è ggrano chello ch'esce"
Meh! Dillo â mamma, meh! Meh! Dillo pure a mme! Ca tu 'o chiamme Ciccio o 'Ntuonno Ca tu 'o chiamme Peppe o Giro Chillo, 'o ninno, è niro, niro Niro, niro comm'a cchè!
'O contano 'e ccummare chist'affare: "'Sti fatte nun sò rare Se ne contano a migliare! Ê vvote basta sulo 'na guardata E 'a femmena è restata Sott' â botta, 'mpressiunata"
Seh! 'Na guardata, seh! Seh! 'Na 'mpressione, seh! Va' truvanno mò chi è stato C'ha cugliuto buono 'o tiro Chillo, 'o ninno, è niro, niro Niro, niro comm'a cchè!
Seh! 'Na guardata, seh! Seh! 'Na 'mpressione, seh! Va' truvanno mò chi è stato C'ha cugliuto buono 'o tiro Chillo, 'o ninno, è niro, niro Niro, niro comm'a cchè!
Seh! 'Na guardata, seh! Seh! 'Na 'mpressione, seh! Va' truvanno mò chi è stato C'ha cugliuto buono 'o tiro Chillo, 'o ninno, è niro, niro Niro, niro comm'a cchè!Teksty umieszczone na naszej stronie są własnością wytwórni, wykonawców, osób mających do nich prawa.
