Tarantella, facennoce 'e cunte Nun vale cchiù a niente 'O ppassato a penzà Quanno nun ce stanno 'e tramme 'Na carrozza è sempe pronta 'N'ata a ll'angolo sta già
Caccia, oje nenna, 'o crespo giallo! Miette 'a vesta cchiù carella! Cu 'na rosa 'int' ê capille Saje che 'mmidia 'ncuollo a mme
Tarantella, facennoce 'e cunte Nun vale cchiù a niente 'O "pe' comme" e "'o ppecché"
E basta ca ce sta 'o sole Ca nc'è rimasto 'o mare 'Na nenna a core a core 'Na canzona pe' cantà Chi ha avuto, ha avuto, ha avuto Chi ha dato, ha dato, ha dato Scurdammoce ô ppassato Simmo 'e Napule, paisà!
Tarantella, 'stu munno è 'na rota! Chi saglie 'a sagliuta Chi sta pe' cadè Dice bbuono 'o mutto antico: Ccà se scontano 'e peccate Ogge a tte... dimane a mme
Io, 'nu poco fatto a vino Penzo ô mmale e penzo ô bbene Ma 'sta vocca curallina Cerca 'a mia pe' me vasà
Tarantella, si 'o munno è 'na rota Pigliammo 'o minuto Che sta pe' passà!
E basta ca ce sta 'o sole Ca nc'è rimasto 'o mare 'Na nenna a core a core 'Na canzona pe' cantà Chi ha avuto, ha avuto, ha avuto Chi ha dato, ha dato, ha dato Scurdammoce ô ppassato Simmo 'e Napule, paisà!
Tarantella, 'o cucchiere è 'n'amico Nun 'ngarra cchiù 'o vico Addò m'ha da purtà Mò redenno e mò cantanno S'è scurdato 'o coprifuoco Vò surtanto cammenà
Quanno sta a Santa Lucia "Signurì" - nce dice a nuje - "Ccà nce steva 'a casa mia Sò rimasto surtant'i'"
E chiagnenno, chiagnenno, s'avvia Ma po' 'a nustalgia Fa priesto a fernì
E basta ca ce sta 'o sole Ca nc'è rimasto 'o mare 'Na nenna a core a core 'Na canzona pe' cantà Chi ha avuto, ha avuto, ha avuto Chi ha dato, ha dato, ha dato Scurdammoce ô ppassato Simmo 'e Napule, paisà!
Scurdammoce ô ppassato Simmo 'e Napule, paisà!Teksty umieszczone na naszej stronie są własnością wytwórni, wykonawców, osób mających do nich prawa.
