---

Porta ancora 'o scialle 'e lusso
Porta ancora 'a pettenessa
'Sta luciana, quanno passa
Nun te fa cchiù raggiunà

Ê vvote 'a 'ncontro pe' Santa Lucia
E che maretta dint'ô core mio!
Si penzo d' 'a fermà
Si cerco 'e ce parlà
Chella me guarda stuorto, ma ch'aggi' 'a fa?

'A 'sta luciana
Ca passa e spassa
Scialle 'e lusso
Pettenessa
Pe' 'na semmana
M' 'a faticasse
Po' 'a fermasse
E lle dicesse:
"I' nun ve cerco niente!
Ma dateme 'o permesso:
A ve dà 'nu vaso 'ncopp'â
A ve dà 'nu vaso 'ncopp'â
A ve dà 'nu vaso 'ncopp'â pettenessa!"

M'hanno ditto: "'O pate è 'nzisto!"
M'hanno ditto: "'O frate è tuosto!
Tene 'o zio ca è capintesta!
Ce sta poco 'a pazzià!"

Ma i' che ce pozzo fà? Chella me piace!
Voglio pazzià c' 'o ffuoco... e si me cocio...
Me cocio... e ch'aggi' 'a fa?
Ma s'hann' 'a rassignà:
I' senza 'e chella nun pozzo campà!

'A 'sta luciana
Ca passa e spassa
Scialle 'e lusso
Pettenessa
Pe' 'na semmana
M' 'a faticasse
Po' 'a fermasse
E lle dicesse:
"I' nun ve cerco niente!
Ma dateme 'o permesso:
A ve dà 'nu vaso 'ncopp'â
A ve dà 'nu vaso 'ncopp'â
A ve dà 'nu vaso 'ncopp'â pettenessa!"

---

Teksty umieszczone na naszej stronie są własnością wytwórni, wykonawców, osób mających do nich prawa.