A lu suono de grancascia Viva lu populo bascio A lu suono 're tammurrielli So' risurte li puverielli A lu suono 're campane Viva viva li pupulane A lu suono 're viulini Morte alli giacubbine
Sona sona Sona carmagnola Sona li cunziglia Viva 'o rre cu la famiglia Sona sona Sona carmagnola Sona li cunziglia Viva 'o rre cu la famiglia
A Sant'Eremo tanto forte L'hanno fatto comme 'a ricotta A 'stu curnuto sbrevognato L'hanno miso 'a mitria 'ncapa Maistà, chi t'ha traruto? Chistu stommaco chi ha avuto? 'E signure 'e cavaliere Te vulevano priggiuniere
Sona sona Sona carmagnola Sona li cunziglia Viva 'o rre cu la famiglia Sona sona Sona carmagnola Sona li cunziglia Viva 'o rre cu la famiglia
Alli trirece di giugno Sant'Antonio gluriuso 'E signure, 'sti birbante 'E facettero 'o mazzo tanto So' venute li francise Aute tasse 'nce hanno miso Liberté... egalité... Tu arrobbe a me Io arrobbo a te
Sona sona Sona carmagnola Sona li cunziglia Viva 'o rre cu la famiglia Sona sona Sona carmagnola Sona li cunziglia Viva 'o rre cu la famiglia
Li francise so' arrivate 'Nce hanno bbuono carusate Evvualà, evvualà Cavece 'nculo alla libertà A lu ponte 'a Maddalena 'Onna luisa è asciuta prena E tre miedece che banno Nun la ponno fa sgravà
Sona sona Sona carmagnola Sona li cunziglia Viva 'o rre cu la famiglia Sona sona Sona carmagnola Sona li cunziglia Viva 'o rre cu la famiglia
A lu muolo senza guerra Se tiraje l'albero 'nterra Afferraino 'e giacubbine 'E facettero 'na mappina È fernuta l'uguaglianza È fernuta a libertà Pe ‘vuie so' dulure e panza Signò, iateve a cuccà
Sona sona Sona carmagnola Sona li cunziglia Viva 'o rre cu la famiglia Sona sona Sona carmagnola Sona li cunziglia Viva 'o rre cu la famigliaTeksty umieszczone na naszej stronie są własnością wytwórni, wykonawców, osób mających do nich prawa.
