---

1.
What can a young lassie,
What shall a young lassie,
What can a young lassie,
Do wi' an auld man?

Bad luck on the penny
That tempted my minnie
To sell her puir Jenny
For siller an' lan'!

2.
He's always compleenin
Frae mornin to eennin;
He hoasts and he hirples
The weary day lang;
He's doylt and he's dozin;
His blude it is frozen -
O, dreary's the night
Wi' a crazy auld man!

3.
He hums and he hankers,
He frets and he cankers,
I never can please him
Do a' that I can.
He's peevish an' jealous
Of a' the young fellows -
O, dool on the day
I met wi' an auld man!

4.
My old auntie Katie
Upon me tak pity,
I'll do my endeavour
To follow her plan:
I'll cross him an' wrack him
Until I heartbreak him,
And then his auld brass
Will buy me a new pan.

---

Teksty umieszczone na naszej stronie są własnością wytwórni, wykonawców, osób mających do nich prawa.