Fenesta vascia 'e padrona crudele Quanta sospire mm'haje fatto jettare! Mm'arde 'sto core comm'a 'na cannela Bella, quanno te sento annommenare!
Oje, piglia la sperienza de la neve! La neve è fredda e se fa maniare E tu, tu comme sì tant'aspra e crudele? Muorto mme vide e non mme vuò ajutare?
Vorria arreventare 'no picciotto Co 'na langella a ghire vennenn'acqua Pe' mme nne jì da chiste palazzuotte: "Belle ffemmene meje! Ah! Chi vò acqua?"
S'affaccia 'na nennella da llà 'ncoppa: "Chi è, chi è 'sto ninno ca va vennenno acqua?" E io ll'he responno co parole accorte: "Sò lagreme d'ammore e non è acqua!"Teksty umieszczone na naszej stronie są własnością wytwórni, wykonawców, osób mających do nich prawa.
