---

Catarí, Catarí,
pecché mm' ‘e ddice sti pparole amare?
Pecché mme parle e ‘o core mme turmiente, Catarí?
Nun te scurdá ca t'aggio dato ‘o core, Catarí,
nun te scurdá.

Catarí,
Catarí, che vène a dicere
‘stu pparlá ca mme dá spáseme?
Tu nun ce pienze a ‘stu dulore mio?
Tu nun ce pienze, tu nun te ne cure.

Core, core ‘ngrato,
t'hê pigliato ‘a vita mia.
Tutto è passato
e nun ce pienze cchiù.

Catarí, Catarí,
tu nun ‘o ssaje ca fino e ‘int'a ‘na chiesa
io so' trasuto e aggiu pregato a Dio, Catarí.
E ll'aggio ditto pure a ‘o cunfessore:
“Io sto' a murí pe chella lla.

Sto' a suffrí,
sto' a suffrí nun se po' credere,
sto' a suffrí tutte li strazie”.
E ‘o cunfessore, ch'è perzona santa,
mm'ha ditto: “Figliu mio lássala stá,
lássala stá”.

Core, core ‘ngrato,
t'hê pigliato ‘a vita mia.
Tutto è passato
e nun ce pienze cchiù.

---

Teksty umieszczone na naszej stronie są własnością wytwórni, wykonawców, osób mających do nich prawa.