---

ref. Kajś ty, dziołcho, łoczy miała?
Co ten gizd takiego mioł,
Żeś akurat go wybrała?
Co ci doł? Co ci doł?

1. Byli inksi chopcy przeca,
Kożdy pod twym domem stoł.
Tyn sie wcale nie zalecoł.
Co ci doł? Co ci doł?
Na galotach same łaty,
W kabzie pusto - tak czy ni?
Mały, chudy, kosprowaty,
Ślipia złe, o... złe...
Nic w garażu, nic w PeKaO,
Kawał gizda - kożdy wi.
Czymu jimu sie udało,
A mnie ni? A mnie ni?

ref. [Kajś ty, dziołcho, łoczy miała?
Co tyn pierun w sobie mioł?
Po coś tego gizda brała?
Powiedz szczyrze - co ci doł?] x2


2. Wzion cie tak, jak małe piwo,
Jeszcze sie po wszystkim śmioł.
Przeca wiym, żeś nieszczęśliwo.
Co ci doł? Co ci doł?
Strzel tym gizdem, strzel chacharym!
To nie życie, co z nim mosz!
Nigdy z wos nie bydzie pary!
Dyć go znosz! Dyć go znosz.
Byda czekoł, przyda po Cia,
Dej mi ino jakiś znak,
Żebych mioł nadzieja chociaż.
No to jak? No jak?
Co cie dziołcho trzimo przy nim?
Byda czekoł - napisz list abo zadzwoń.
Nic nie zmiynisz, bo to gizd, pieroński gizd!

ref. Kajś ty, dziołcho, łoczy miała?
Po coś tego gizda brała?
Kajś ty, dziołcho, łoczy miała?
Dyć to prawda, a nie pic
Po coś tego gizda brała?
Nie rozumia z tego nic...

Kajś ty, dziołcho, łoczy miała?
Dyć to prawda, a nie pic.
Po coś tego gizda brała?
Nie rozumia z tego nic.
Nie rozumia, nie rozumia,
Nie rozumia z tego nic...

---

Teksty umieszczone na naszej stronie są własnością wytwórni, wykonawców, osób mających do nich prawa.