---

Vento che tira, vento
vento che destira mari de formento
vento che gira mato de premura
vento de pianura...

Vento de là de'a siesa
vento che te taja come da 'na sfesa
vento che rabalta, che buta in tera
ostaria e ciesa...

Vento, te cava via a vose
vento spavento de malani e brose
vento strumento che co'l sona piase,
sacramento de vento!

Vento che tira, che move
vento che fa strasse dee camise nove
vento che volta rame co' radise
vento che no' scolta...

Vento che deventa venta
venta che fadiga, rovina e siga
venta desconta che no se sa co'a riva
che ne porta a piova...

Vento te cava via 'a vose
vento spavento de malani e brose
vento strumento che co'l sona piase
sacramento de vento!

Vento, te cava via 'a vose
vento spavento de malani e brose
vento strumento che co'l sona piase
sacramento de vento, de vento
devento de vento, devento de vento...

---

Teksty umieszczone na naszej stronie są własnością wytwórni, wykonawców, osób mających do nich prawa.