مين إرهابي، أنا إرهابي؟ كيف إرهابي وأنا عايش ببلادي؟ مين إرهابي، أنت إرهابي ماكلني وأنا عايش ببلادي
قاتلني زي ما قتلت جدادي أجه للقانون، عالفاضي ما أنت يا عدو بتلعب دور الشاهد المحامي والقاضي عليّ قاضي بنهايتي بادي حلمك نقل فوق ما إحنا أقلية حلمك الأقلية تصير في المقابر أكترية ديموقراطية، والله إنكم نازية من كتر ما أغتصبتوا النفس العربية حبلت، ولدت ولد اسمه عملية انفجارية وهين ناديتنا إرهابية يعني ضربتني وبكيت، سبقتني واشتكيت لما ذكرتك إنك بديت، نطيت وحكيت ما أنتوا بتخلوا ولاد صغار يرموا حجار ملهمش أهل يضبوهم في الدار؟ إيش، كنه نسيت إنه سلاحك ضب الأهل تحت الحجار؟ وهلأ لما وجعي ثار بتناديني إرهابي؟
مين إرهابي، أنا إرهابي؟ كيف إرهابي وأنا عايش في بلادي؟ مين إرهابي، أنت إرهابي ماكلني وأنا عايش ببلادي
ليش إرهابي، عشان دمي مش هادي، حامي عشان رافع راسي وأرض بلادي قتلوا حبايبي، أنا لحالي أهلي اتشردوا، راح أضلني أنادي انا مش ضد السلام, السلام ضدي عليّ بدو يقضي، تراثي بدو يمحي واللي بحكي كلمة بشد ورى همة بيكون زلمة، بتعملوا منه رمة ومين إنتوا لسا إمتى كبرتوا؟ اتطلعو قديش قتلتوا وقديش يتمتوا أمياتنا بيبكوا، أبياتنا بيشكوا أراضينا بيختفوا، أنا بقلكم مين أنتوا أنتوا كبرت في دلع، إحنا كبرنا بفقر مين كبر في وسع ومين كبر في جحر؟ صار فدائي, عملتوا منه اجرامي وأنت يا إرهابي بتناديني إرهابي
مين إرهابي، أنا إرهابي؟ كيف إرهابي وأنا عايش ببلادي؟ مين إرهابي، أنت إرهابي ماكلني وأنا عايش ببلادي
إمتى ببطل إرهابي؟ لما تضربني كف وأعطيك خدي التاني؟ كيف تتوقع مني أشكر اللي آذاني؟ تعرف إيش أنت قولي كيف بدك إياني؟ راكع على ركبي وإيدي مربطات؟ عيون في الأرض وجثث مزتتات؟ بيوت مهدومة عائلات مشردات؟ أطفال يتيمة، حرية كلبشات؟ انت أؤمر، أنت أقتل إحنا بنأبر ما علينا بنصبر، وجعنا بنستر أهم إشي إنك تحس بأمان اتريح وسيبلنا الآلام ما هو دمنا دم كلاب, حتى لا لما الكلب يموت, في الرفق بالحيوان يعني دمنا أرخص من دم لكلاب؟ لأ دمي غالي وراح أدافع عن حالي لو تناديني إرهابي
مين إرهابي، مين إرهابي، مين إرهابي، مين إرهابي؟ مين إرهابي، مين إرهابي، مين إرهابي، مين إرهابي؟ كيف إرهابي وأنا عايش ببلادي؟Teksty umieszczone na naszej stronie są własnością wytwórni, wykonawców, osób mających do nich prawa.
