Sinusuyod ni Theresa ang kahabaan nitong kalsada,/
nakayapak/
Kumakatok ang sikmura niyang kumakalam/
Naghihintay sa iaabot ng bawat may kamay/

Lutang ang mga mata’t ‘di makausap itong si Magda /
Balisa/
Sapat nga bang rason ang gutom at kahirapan?/
Sa desisyong pagkagat sa alok ng matandang dayuhan/

Nakahain/
ang kanyang murang gulang at katawan sa palitan ng puri at pera/
Lumuluha ang gabi/
Anong bangungot itong kanyang sinuong?/

Tulala’t nakaturo sa wala sila Jaime at Marko/
Lango sa supot ng lason nilang bitbit/
Babagsak ang araw!/
Bumabagsak ang mga utak nilang tinutunaw/

Tumatakbo si Lazaro, siya’y hinahabol/
Tumatawa’t kinakabahan/
Tangan ang pinaka-iingatan niyang nakaw/
Nakaw na magtatawid sa kanilang gutom/

Gutom?
o isa nang ganap na sakit? Isang ganap na adiksyon?/
Aabutin pa nga ba ang edad na disi otso?/
hahandusay nang duguan o nang dilat ang mga mata/

Biglang huminto at muling ginimbal ang mundo ni Lazaro/
Nanlambot at bumagsak, mga tuhod niya’y humalik sa semento/
Ang sa kanya’y tumambad, panibagong bangungot sa kanya’y dumagdag/
Mga sugat muling nanariwa, epekto ng lason nito’y lalo pang lumala/
Galit, pighati, at pagtataka sa mga mata’y nakapinta/
“tangina! Bakit?Kailan ako gigising sa bangungot na ito?”/
Ang siya ring tanong nitong si Theresang humagulgol/
Ang siya ring tanong nila Jaime at Markong biglang natauhan/
Si Magda na kapatid sa kalyeng tinuring nilang Ina/
Nakahundusay, walang saplot, wala nang buhay, wala nang bukas/

---

Teksty umieszczone na naszej stronie są własnością wytwórni, wykonawców, osób mających do nich prawa.