---

St'uocchie ca tiene belle,
lucente chiù d' 'e stelle,
sò' nire chiù d' 'o niro
só' comm'a duje suspire...

Ogne suspiro coce,
ma tene 'o ffuoco doce...
e, comme trase 'mpietto,
nun me dá chiù arricietto.

E chi ve pò scurdá,
uocchie c'arraggiunate
senza parlá ?
senza parlá ?

A me guardate sí...
e státeve nu poco,
comme dich'i'...
comme dich'i'...
comme vogl'i' !...

O nire, chiù splennente
'e ll'ebano lucente !
Comm'a na seta fina
só' ll'uocchie 'e Cuncettina.

Sempe ca 'e tèngo mente,
nce trovo o sentimento...
pecché nce sta nu vezzo,
co'sguardo e l'accarezzo.

E chi ve pò scurdá,
uocchie c'arraggiunate
senza parlá ?
senza parlá ?

A me guardate sí...
e státeve nu poco,
comme dich'i'...
comme dich'i'...
comme vogl'i' !

---

Teksty umieszczone na naszej stronie są własnością wytwórni, wykonawców, osób mających do nich prawa.