It's oh, young lads, where'ere ye be
And if ye be not on a spree
I hope ye'll be advised by me
Tae beware o' an Aberdonian
For I've had misfortunes ane or twa
They're no' worthwhile tae mention
But I'll tell ye ane that bangs them a'
If ye'll give me attention.

Chorus:
Nothing in the wide world pleases me
Like a fine wee lass and a guid cuppa tea
But my mother, aye she said tae me
Tae beware o' an Aberdonian.

One nicht I gae'd doon Bonnie Gates
And I met this handsome chaumer
She asked me for tae stand her a drink
Or something hot tae warm her.
Sae intae a refreshment house we went
And baith sat doon wi' ae consent
And soon ten shillings there I'd spent
Tae treat my Aberdonian.

Chorus

She ate twa dozen o' tuppenny pies
She drank twa quarts o' porter
For a ball of tripe she quickly did cry
And the tattles that I bought her.
A board o' oysters tae that nicht
She very soon put out o' sicht
And I paid them a', they charged me right
Tae treat my Aberdonian.

Chorus

She slipped something intae ma drink
Which sent ma head a-reelin'
And the room went round and ma een did blink
And I lost baith sense and feelin'.
And when I wakened up again
I missed my purse, my watch and chain
And I never since saw them again
Nor yet my Aberdonian.

Chorus

She teached a lesson untae me
Sae long as I am living
Oh, ne'er again tae mak' sae free
Wi' a lassie sae deceiving.
And if e'er I think tae chance my life
And tak' untae masel' a wife
I would rather fa' upon a knife
Than marry an Aberdonian.

Chorus

---

Teksty umieszczone na naszej stronie są własnością wytwórni, wykonawców, osób mających do nich prawa.