Four and twenty Heilan men Cam fae the Carronside Tae tak awa Eppie Moray for She widnae be a bride, a bride, She widnae be a bride.
Then oot its cam her mither then, fur it wis a moonlit nicht. She couldnae see her daughter for The water shone sae bricht, sae bricht, The water shone sae bricht.
Haud awa fae me, Mither, Haud awa fae me! There's no a man in a' Strathdon Will merriet be wi me, wi me, Will merriet be wi me.
They've taken Eppie Moray then And a horse they've bound her on. And they're awa tae the minister's hoose As fest as horse could gang, could gang, As fest as horse could gang.
Willie's taen his pistol oot And pit it tae the minister's briest O merry me, merry me, minister, Or else I'll be yer priest, yer priest, Or else I'll be yer priest.
Haud awa fae me, Willie, Haud awa fae me! Ah durna vow tae merry ye, Except she's fain as ye, as ye, Except she's fain as ye.
Haud awa fae me, guid sir, Haud awa fae me! There's no a man in a' Strathdon Shall merriet be by me, by me, Shall merriet be by me.
They've taken Eppie Moray then, That better'd couldnae be, And they hae rode ower Carronside, As fest as horse could flee, could flee, As fest as horse could flee.
Then mass was sung and bells were rung And they're awa tae bed. And Willie and Eppie Moray In ae bed they were laid, were laid, In ae bed they were laid.
He's taen the sark fae off his back And kicked awa his shoon. He's thrawn awa the chaulmer key And naked he laid doon, laid doon, And naked he laid doon.
Haud awa fae me Willie, Aaud awa fae me! Afore I lose my maidenheid I'll try my strength wi thee, wi thee, I'll try my strength wi thee.
He's kissed her on the lily breist And held her shoulders twa. And ay she's grat and ay she's spat And turned her tae the wa, the wa, And turned her tae the wa.
Haud awa fae me Willie, Haud awa fae me! There's no a man in a' Strathdon Will merriet be wi me, wi me, Will merriet be wi me.
A' through the nicht they warstled Antil the licht o day, And Willie grat and Willie spat, But couldnae stretch her spey, her spey, But couldnae stretch her spey.
Then early in the mornin, Afore the licht o day, Then came a maid o scalatur wi goon and shirt alane, alane, Wi goon and shirt alane.
Get up get up young woman And drink the wine wi me. Ye micht hae ca'd me maiden for I'm sure as hail as thee, as thee, I'm sure as hail as thee.
Weary fa ye Willie then That ye couldnae prove a man. Ye micht hae taen her maidenheid, She would hae hired yer hand, yer hand, She would hae hired yer hand.
Haud awa fae me lady, Haud awa fae me! There's no a man in a' Strathdon Will merriet be wi me, wi me, Will merriet be wi me.
Gae get tae me a horse, Willie, Get it like a man! And send me back tae my mither's hoose, A maiden as I cam, I cam, A maiden as I cam.Teksty umieszczone na naszej stronie są własnością wytwórni, wykonawców, osób mających do nich prawa.
