Ref: Dzisiok jest sobota i już czuja sie lepij W kabzie mōm briftasza robia angrif na sklepy
Ôd wejścia sie szwōngna i kukōm w regały Jest w czym wybiyrać wszyndzie stojōm towary ----------- W koszach apluziny lecz papiōrym ôwiniōne Radiski i blumkole tōmaty fest czerwōne
Pfircychy aprikouzy Ouberiby cwible Fest sroge korbole i czŏrne rybizle
Na lewo je baksztuba piekŏrze wystŏwiajōm Brunŏtne pecyny i żymły co wōniajōm
Wedle tyj baksztuby je kōnditoryjŏ Ustŏwia sie w raji i wezna szpecyjŏ
Dwie tytki bōmbōnōw kołŏcz ze posypkōm I tamte dwa kreple ze tyj zorty gibko
Potym do masŏrza preswusztu nafoluja Co je wedle w szranku drapko ôbcichtuja
Dwa funty krupniŏkōw zawiniōnych w strzewia I kaj skōnd ôplerkōw Kupić tyż sie trzeba
Myśla, co sam znŏjda i aż dostŏwōm werwy Tego my niy mieli za starego piyrwyj
Ref: Dzisiok jest sobota i już czuja sie lepij W kabzie mōm briftasza robia angrif na sklepy
Ôd wejścia sie szwōngna i kukōm w regały Jest w czym wybiyrać wszyndzie stojōm towary --------- Gymba durś ôciyrōm taszyntuchym modrym Bo ôd kupowaniŏ zrobiyłech sie mokry
Myśla durś i myśla co sam jeszcze bydzie Jak ino sie zatrzimia przi kolyjnym sztandzie
We gangu anrichty na nich kyjzy wyciepane Ta z wusztym, ta z knoblochym a niby take same
Wziōnech sie z bōnclŏka tustego dwie kelnie I propsno stōnd cisna bo piździ festelnie
Dalekoch niy zaszŏł, bo trzi kroki dalyj Cŏłki zastawiōny sztand ze strzewikami
Strzewiki z krōmflekym stare ōma-szuły Sztifle ze abzacym Wiōnzane u gōry
Klōmpy i szkarbŏły i dziwne jakeś lacie Nic sam wiyncyj niy ma to wszyjsko w tym tymacie
Zbliżōm sie do kasy ustawiōm sie w raje Płaca klepciŏkami tyj uśmiechniyntyj babie
Wyłaża ze sklepu bo wszyjsko mōm już Angrif mi sie udŏł no i na tym szlus.Teksty umieszczone na naszej stronie są własnością wytwórni, wykonawców, osób mających do nich prawa.
