Ref.: Niy-niy-niy-niymce gŏdajōm, że my sōm Polŏki, Polŏki gŏdajōm, że my sōm Niymce, A my sōm Ślōnzŏki i powiym wōm wiyncyj, Że przede wszystkim, to my sōm ludzie! x2
Po cō nŏs dzielicie? Co tō my, jakiś pōmiot? W czym niby Ślōnzŏk jes gorszy ôd wŏs? My sōm ludzie, niy zwierzynta, Choć trzimani ciōngle w pyntach! Ô co by my niy prosili Ôdwracŏcie sie na piyntach! Niy mōm racji? Zaprzeczycie mojim słowōm? Ino skōnd sie we mie biere to co terŏzki wōm gŏdōm? Niy chcã wytykać wōm błyndōw, Prŏwda w ôczy wŏs zakuła. Styknie wōm ino to pedzieć: "Małpa cyferblat zepsuła"! Traktowani durś na zmianã! (?) Ślōnsk my mōmy wrazić, Coby ino pysk zawarli I skōńczyli zaś sie wadzić. Jŏ dziyńkuja tym u gōry, za te wasze traktowani. Mōm nadziejã, że nŏsz narōd kościōm w gardle wōm sie stanie!
Ref. x3
Ô tyn regiōn cŏłkie lata Ino wojny wybuchały, Kŏżdy miōł tyn narōd w rzici, Tukej piyniōndz jes niymały. Wōm to ino w głowie trzaskŏ, Coby zabrać nasze dobra, Wy w ancugach co dzielicie Ślōnski narōd w sali ôbrad! Niy mŏcie pōmysłu na to, co ze Ślōnskiym zrobić? Jŏ podpowiym — autōnōmia tu powinna sie narodzić! Dejcie spokōj wynokwianiu, Że to pōmysł jes do bani! Wy, ci mōndrzy i rzōndzōncy co Ślōnzokōw mŏcie za nic! Rōbcie tak dalij, a bydziecie mogli poczuć Co to znaczy tamowani łez płynōncych z ôczu! Jak tyn narōd Gōrnoślōnski kery ciynżko mŏcie strawić Zrobi gyszynk-niyspodziankã i ôkōniym sie postawi!
Ref. x5Teksty umieszczone na naszej stronie są własnością wytwórni, wykonawców, osób mających do nich prawa.
