A wee bird cam tae oor ha' door and oh but he sang sweetly And aye the o'ercome o' his sang was “Wae's me for Prince Charlie?” And when I heard the bonny, bonny bird the tears come droppin' rarely. I took the bonnet frae ma heid for weel I loved Prince Charlie.
Says I, “Ma bird, ma bonny, bonny bird, is that a song you borrow? Or are these some words ye've learned by heart, a lilt o dule and sorrow?” “Oh no, oh no,” the wee bird cried, “I've flown since mornin' early But such a day o' wind and rain, oh wae's me for Prince Charlie?”
On hills that are by right his ain he roams a lonely stranger. On every side he's pressed by want, on every side is danger. Yestreen I met him in the glen, ma heart maist burstit fairly, For greatly changed indeed was he, oh wae's me for Prince Charlie?
But then the bird saw some redcoats and he shook his wings wi' anger, Saying, “This is no' the land for me, I'll tarry here nae langer.” I saw him hover on the wing ere he departed fairly But weel I mind the fareweel strain was “Wae's me for Prince Charlie?”Teksty umieszczone na naszej stronie są własnością wytwórni, wykonawców, osób mających do nich prawa.
