When we went tae the field o' war, And tae the weaponshaw, Wi' true design to serve our king, And chase our faes awa' Lairds and lords came there bedeen, And wow gin they were sma' While pipers play'd frae right to left, Fy, furich Whigs awa'
And when our army was drawn up, The bravest e'er I saw We did not doubt to rax the rout, And win the day and a' Out owre the brae it was nae play To get sae hard a fa' While pipers play'd frae right to left, Fy, furich Whigs awa'
Up and waur them a', Willie Up and waur them a' Up and sell your sour milk, And dance, and ding them a'
When brawly they attack'd our left, Our front, and flank, and a' Our bauld commander on the green, Our faes their left did ca' And there the greatest slaughter made That e'er poor Tonald saw While pipers play'd frae right to left Fy, furich Whigs awa'
Up and waur them a', Willie Up and waur them a' Up and sell your sour milk, And dance, and ding them a'
And when they saw our Highland mob, They swore they'd slay us a' And yet ane fyl'd his breeks for fear, And so did rin awa' We drove them back to Bonnybrigs, Dragoons, and foot, and a' While pipers play'd frae right to left, Fy, furich Whigs awa'
Up and waur them a', Willie Up and waur them a' Up and sell your sour milk, And dance, and ding them a'
But when the General viewed our lines, And them in order saw He straight did march into the town, And back his left did draw. Thus we taught them the better gate To get a better fa' While pipers play'd frae right to left, Fy, furich Whigs awa'
Up and waur them a', Willie Up and waur them a' Up and sell your sour milk, And dance, and ding them a'
And then we rallied on the hills, And bravely up did draw But gin ye speer wha wan the day I'll tell ye what I saw. We baith did fight, and baith were beat, And baith did rin awa' So there's my canty Highland sang, About the thing I saw.
Up and waur them a', Willie Up and waur them a' Up and sell your sour milk, And dance, and ding them a'
Up and waur them a', Willie Up and waur them a' Up and sell your sour milk, And dance, and ding them a'Teksty umieszczone na naszej stronie są własnością wytwórni, wykonawców, osób mających do nich prawa.