---

Up and run awa' Hawley, up and run awa'
The filibegs are comin' doon tae gie your lugs a claw.
Young Charlie's face at Dunipace has gi'ed your mou' a thraw, Hawley
Blastin' sight for bastard wight, the worst that e'er he saw
Hielan' Geordie's at yer tail, wi' Drummond, Perth an' a'
Up and run awa'…and run awa'

Whene'er ye saw the bonnets blue doon frae the Torwood draw
A wisp in need did you bestead, perhaps you needed twa!
General Huske, that battle busk, that pride o' warriors a', Hawley,
Whip and spur he crossed the furr as fast as he could ga'
Hielan' Geordie's at yer tail, wi' Drummond, Perth an' a'
Up and run awa'…and run awa'

I hae but just ae word to say and ye maun hear it a'
We came to charge wi' sword and targe and nae to hunt ava'
When we came doon aboot the town and saw nae faes at a'
We couldna believe the truth that ye had left us a'!
Hielan' Geordie's at yer tail, wi' Drummond, Perth an' a'
Up and run awa'…and run awa'

Nae man bedeen believed his e'en till your brave back he saw, Hawley
Bastard brat o' foreign cat had neither pluck nor paw
We didnae ken but ye were men wha fight for foreign law
Gae fill yer wame wi' brose at hame, it fits ye best of a'
Hielan' Geordie's at yer tail, wi' Drummond, Perth an' a'
Up and run awa'…and run awa'

The very froon o' Hielan' loon, it gart ye drop the jaw
Happ'd the face o' a' disgrace and sickened Southron maw
The very gleam o' Hielan' flame it pit you in a thaw
Gae back and kiss your Daddy's miss, you're nane but cowards a'
Hielan' Geordie's at yer tail, wi' Drummond, Perth an' a'

Up and scour awa' Hawley, up and scour awa'
The Hielan' dirk is at your doup and that's the Hielan' law
Hielan' Geordie's at yer tail, wi' Drummond, Perth an' a'
Had ye but stayed wi' lady's maid an hour or maybe twa
Yer bacon bouk an' bastard snout, ye might hae saved them a'

---

Teksty umieszczone na naszej stronie są własnością wytwórni, wykonawców, osób mających do nich prawa.