---

Si ê vvote io te penso,
mme vene quase 'e chiagnere.
E te vulesse astregnere,
cchiù forte, 'mpiett'a me.

Ma 'sta malincunìa
ca mme turmenta ll'anema,
mme chiude ll'uocchie e, 'nzuonno,
mme porta 'mbracci'a te.

Tu si' 'a malincunìa
ca trase dint' 'o core,
malincunía d'ammore
ca nun mme vo' lassà.

Mo ca nun si' d' 'a mia,
te voglio assaje cchiù bene
e sento, dint' 'e vvene,
'o desiderio 'e te.

Tutt' 'a felicità te si' purtata.
Tutt' 'e speranze meje se só' perdute.

Tu si' 'a malincunìa
ca tengo dint' 'o core,
malincunìa d'ammore
ca nun mme lassa cchiù.

---

Teksty umieszczone na naszej stronie są własnością wytwórni, wykonawców, osób mających do nich prawa.