---

Gué, Nanassa.
Gué, Nanassa.
Comme vurría pruvà
‘sta vócca rossa.

Sî bella e affascinante,
cianciosa e ardente.
E tiene scritto ‘nfronte
"Modernità".
Cchiù bella ‘e te, pe tutta Cinecittà,
‘na "maggiorata fisica" nun ce sta.
Sî squisita,
sapurita,
tiene pise e qualità.

Gué, Nanassa.
Quanno cammine se fa ‘a folla appriesso.
Gué, Nanassa.
Se fermano carrozze e filobbusse.
Mentr'io ca so' geluso ‘e ll'aria stessa,
che freve aggi' ‘a ‘ncuccià
quando, in giro per la città,
tutt' ‘a gente te guarda e fa:
"Gué, Nanà',
sî cchiù doce ‘e ‘nu babbà".
"Gué, Nanà,
sî cchiù doce ‘e ‘nu babbá".

T'hê fatto ‘a gonna lilla
cu ‘a blusa gialla
e ‘a borza a panariello,
che nuvità.
Ma ‘nu cunziglio, oje bella, te voglio dà.
‘Sti scullature atomiche nun purtà,
che ‘a censura,
si ll'appura,
nun te fa cchiù cammenà.

Gué, Nanassa.

---

Teksty umieszczone na naszej stronie są własnością wytwórni, wykonawców, osób mających do nich prawa.