1. As I was walking all alane
I heard twa corbies makin' a mane
the tane intae the tither say oh
"Whaur sall we gang and dine the day oh
whaur sall we gang and dine the day?"
2. "It's in ahint yon auld fail dyke
I wot there lies a new slain knight
naebody kens that he lies there oh
but his hawk and his hound and his lady fair oh
his hawk and his hound and his lady fair."
3. "His hound is to the hunting gane
his hawk to fetch the wild-fowl hame
his lady's ta'en anither mate oh
so we may mak our dinner swate oh
so we may mak our dinner swate."
4. "It's ye'll sit on his white hause-bane
and I'll pike oot his bonny blue e'en
wi' ae lock o' his gouden hair oh
we'll theek oor nest when it grows bare oh
we'll theek oor nest when it grows bare."
5. "There's mony a ane for him maks mane
but nane sall ken whaur he is gane
and o'er his banes when they lie bare oh
the wind sall blaw for evermair oh
the wind sall blaw for evermair."

---

Teksty umieszczone na naszej stronie są własnością wytwórni, wykonawców, osób mających do nich prawa.