---

Gara daşly, seri duman bu daglar,
Toprak bolar, gara daşdan aýrylsa.
Sil bolar, agdarlyp akar bulaglar,
Çille dolup, garlar gyşdan aýrylsa.

Zynahor sylamaz ilin-ýurduny,
Gaýra teser, görse äriň merdini,
Adam ogly diýebilmez derdini,
Ýürek ýanyp, çeşmi ýaşdan aýrylsa.

Ýurt derdine gider ilde merdanlar,
Namart gaçyp barar, bakyň, ýaranlar,
“Mal!" diýip ýurt deger bahyl, nadanlar,
Gussa batar, gözel düýşden aýrylsa.

Magtymguly, Haky ýatlar, gan aglar,
Şa-gedalar akyl-huşdan aýrylsa.

---

Teksty umieszczone na naszej stronie są własnością wytwórni, wykonawców, osób mających do nich prawa.