---

Tha do shùilean a' tàladh mar fhàil òir
cho soilleir, cho sìtheil, cho prìseil thar glòir
'S do bhòidhchead gun choimeas mar eal' air a' chuan
O Mhàiri Eilidh, 's tu mo rùn.

'S bi gillean a' bhaile a ràdh, "Tha thu faoin
chan 'eil i ach mar nathair a mealladh gun smaoin"
Ach tha mo dhìlseachd cho domhain gun ghrunnd
Gun fhois, gun iomall, gun chadal, 's gun sunnd.

'S g' e daor do phògan 's cruaidh do chridh'
's g' e daor do bhòidean briathran gun bhrìgh
latha 's a dh'oidhche tha m' anam gun sìth
's g' e daor do phògan leanaidh mi.

On a chunnaic mi do mhaise tha m' aigne gun tàmh
long mo thuigse gun shéol 's gun ràmh
's ged tha mi a' tagradh cha ghabh thusa ùidh,
O Mhàiri Eilidh, 'eil mi 'ruith na gaoith?

'S g' e daor do phògan 's cruaidh do chridh',
's g' e daor do bhòidean briathran gun bhrìgh
latha 's a dh'oidhche tha m' anam gun sìth
's g' e daor do phògan leanaidh mi,
's g' e daor do phògan leanaidh mi.

---

Teksty umieszczone na naszej stronie są własnością wytwórni, wykonawców, osób mających do nich prawa.