Trapanarella cu ‘o trapanaturo e tràpana ‘a mamma e ‘a figlia pure. E trapanianno, ‘mmiez'a ‘sti guaje, canto ‘a canzona d' ‘a cuccuvaja.
‘Na signurina cammina p' ‘a strata, ‘nu giuvinotto lle fa ‘na guardata e chella, che sùbbeto è femmena onesta, aret'ô purtone, s'aìza ‘a vesta.
San Gennà, pènzace tu, ca tanto d' ‘e ccorne ‘un se campa cchiù.
‘Nu prèvete, ‘ncopp'a ll'altare maggiore, mme pare ‘nu santo prerecatore, ma quanno va dint'â sacrestìa, vo' mille lire p' ‘Avemmaria.
San Gennà, tu vide a chiste? ‘Mbrogliano pure a Giesù Cristo.
E nuce, nucelle e castagne ‘nfurnate, quanta paìse aggiu curriate, ‘a Torre d' ‘o Grieco e ‘Annunziata, e quanta guaje ch'aggio truvato, e quanta defiette ch'aggiu ‘ncantate.
‘E culamappate so' ‘e Veneziane, ‘e magnapulenta songo ‘e Milano, ‘e meglie cantante stanno a Giugliano, e ‘e tirapistole stanno a Casale.
‘E ffacce toste songo italiane, ‘e cchiù mafiuse so' siciliane, ‘e po ‘e sbruffune songo ‘e rumane, ‘e ffemmene belle so' napulitane e ‘e mmazze ‘e scopa so' americane.
‘E ‘mbrogliamalate so' ll'avvucate, 'e 'mbrogliamestiere so' ll'ingegnere, ‘e priévete fanno ‘e zucalanterne e ‘e cchiù mariuole stann'ô guverno.
San Gennà, dice ca sì, chi ‘o ssape comme va a fernì.
‘Na signurina, a via dei Mille, s'ha misa ‘a parrucca ‘a copp'ê capille. Quanno va â casa se magna ‘e ppurpette e chi tene famma guarda ‘e rimpetto.
‘Nu giuvinotto, cu ‘e sòrde d' ‘o pato, s'accatta ‘o cazone ‘mpusumato. Po va dint'â machina, allero allero, e vo' menà sotto a chi va a père.
‘E ccunuscite a ‘sti milorde, chille stanno ‘nguajate ‘e sorde. ‘E pate so' tanta scurnacchiate e campano ‘ncopp'â famme ‘e ll'ate.
San Gennà, pènzace tu, ca tanto d' ‘e ‘mbruoglie ‘un se campa cchiù.
Mme ne vaco pe sott'ô muro e sento ‘addore d' ‘e maccarune.
Mme ne vaco pe Qualiano e sento ‘addore d' ‘e ppatane.
Mme ne vaco p' ‘o Granatiéllo e sento ‘addore d' ‘e friariélle
Ma si vaco add' ‘o putecaro tutte cosa va cchiù caro.
Ma vedite quando maje ‘sta miseria va aumentanno.
E aumenta ogge, aumenta dimane e doppodimane, sabato sí e dummeneca no.
Chi fatica se more ‘e famme ‘na vota ca sì e ‘na vota ca no.
Chi fatica se more ‘e fammma ‘na vota ca sì e ‘na vota ca no.Teksty umieszczone na naszej stronie są własnością wytwórni, wykonawców, osób mających do nich prawa.
