The Chevalier, being void o' fear Did march up Birsle Brae, man And through Tranent ere he did stent As fast as he could gae, man While General Cope did taunt and mock Wi' mony a loud hurrah, man But e'er next morn proclaim'd the cock We heard anither craw, man
The bluff dragoons swore blood an' oons They'd e'en mak' the rebels run, man And yet they flee when us they see And winna fire a gun, man They turned their back, the foot they brack Such terror seiz'd them a' man Some wet their cheeks, some fyled their breeks And some for fear did fa', man
Smith made sic' haste, sae spurr'd his beast 'Twas little there he saw, man Tae the Borders rade and falsely said The Scots were rebels a', man O'er Soutra Hill ere he stood still Afore he tasted meat, man Troth, he may brag o' his swift nag That bore him off sae fleet, man
At yon thorn tree, where you may see Bewest the meadows mill, man There mony slain lay on the plain The clans pursuing still, man Sic unco hacks, and deadly whacks I never saw the like, man Lost hands and heads cost them their deads That fell at Preston dyke, manTeksty umieszczone na naszej stronie są własnością wytwórni, wykonawców, osób mających do nich prawa.
