---

O Charlie, O Charlie, come o'er frae Pitgair,
And I'll gie ye oot a' your orders,
For I'm gaun awa' tae the high Hielan' hills,
For a while to leave the bonnie Buchan borders.

O Charlie, O Charlie, tak' notice what I say,
And fit every man to his station,
For I'm gaun awa' tae the high Hielan' hills
For to view a' the pairts o' the nation.

Tae the loosin' ye'll put Shaw, ye'll put Sandison to ca'
To the colin ye'll put auld Andrew Kindness.
Ye'll gar auld Colliehill aye feed the threshin' mill
An' see that he dee't wi' great fineness.

To the gatherin' o' the hay, ye'll put little Isa Gray,
And wi' her ye'll put her cousin Peggy;
And in aneath the bands, aye it's there ye'll put your hands
And ye'll see that they dee't richt tidy.

As for you, Willy Burr, ye'll carry on the stir,
And ye'll keep a' the lasses a-howin'
And ye'll take care o' Jock, or he'll play you a trick,
And set a' yer merry maids a-mowin'

And for you, Annie Scott, ye'll put on the muckle pot
And ye'll mak' milk pottage a-plenty,
For yon hungry brosers that's comin' frae Pitgair,
They're keepit aye sae bare and scanty.

O Charlie, O Charlie, sae early ye'll rise,
And see a' my merry men a-yokin'
And you, Missy Pope, ye'll sit in the parlour neuk
And keep a' my merry men frae smokin'.

---

Teksty umieszczone na naszej stronie są własnością wytwórni, wykonawców, osób mających do nich prawa.