---

When Mally Lee cam' doon the street, her capuchin did flee
She coost a look behind her, to see her negligee.

And we're a' gaun east and west, we're a' gaun aye agee,
We're a' gaun east and west, a-courtin' Mally Lee

A' doon alang the Canongate, were beaux o' ilk degree
An' mony an ane turned round to look at bonnie Mally Lee

And we're a' gaun east and west, we're a' gaun aye agee,
We're a' gaun east and west, a-courtin' Mally Lee

Frae Seton's Land a countess fair look'd owre a window hie,
And pined to see the genty shape of bonnie Mally Lee.

And we're a' gaun east and west, we're a' gaun aye agee,
We're a' gaun east and west, a-courtin' Mally Lee

And when she reached the Palace porch, there stood earls three
And ilk ane thought his Kate or Moll a drab to Mally Lee.

And we're a' gaun east and west, we're a' gaun aye agee,
We're a' gaun east and west, a-courtin' Mally Lee

The dance gaed through the Palace ha', a comely sicht to see
And nane was there sae bright or braw as bonnie Mally Lee

And we're a' gaun east and west, we're a' gaun aye agee,
We're a' gaun east and west, a-courtin' Mally Lee

---

Teksty umieszczone na naszej stronie są własnością wytwórni, wykonawców, osób mających do nich prawa.