Álrerst lébe ich mir werde, sît mîn sündic ouge siht daz here lant und ouch die erde, der man sô vil eren giht. ez ist geschehen, des ich ie bat: ích bin komen an die stat, dâ got menischlîchen trat.
Schoeniu lant, rîch unde here, swaz ich der noch hân gesehen, sô bist dus ir aller ere. waz ist wunders hie geschehen! daz ein magt ein kint gebar, here über áller engel schar, wáz daz niht ein wunder gar?
Hie liez er sich reine toufen, daz der mensche reine sî. dô liez er sich hie verkoufen, daz wir eigen wurden frî. anders waeren wir verlorn. wól dir, spér, kriuze únde dorn! we dir, heiden, dáz ist dir zorn!Teksty umieszczone na naszej stronie są własnością wytwórni, wykonawców, osób mających do nich prawa.