---

Noi siamo fidanzati Arturo mio
Ma io ti debbo dire, francamente,
Ca tu me tratte proprio malamente
Cchiù peggio 'e chesto nun me può trattà.

Io nun voglio nu palazzo
Nu cavallo cu 'a carrozza
Ma ogni tanto qualche sforzo lo potresti pure fa'
Si me vene nu capriccio mi potresti accontentà.

Ho visto una pelliccia di Ermellino
Na cosa proprio fine, na cosa proprio fine.
Ho visto nu scarpino di serpente
Na cosa sorprendente, na cosa sorprendente.

Arturo Arturo sii, Arturo Arturo seh.
Sto parlanno 'nfaccia'o muro
Fa vedè ca nun me sente
Tu nemmeno ddoje semmente si capace 'e m'accatà.

Artù? Artù? Tu non ci senti più?
Fusse scemo? Fusse pazzo?
Sto parlanno 'nfaccia 'o muro, Arturo.

E a dire ca nun si nu puveriello
Sei ricco di famiglia, sei sfondato.
Tiene nu sacco 'e sorde staje 'npurpato.
Pecchè si stritt' 'e pietto non lo so.

Nun m'accatte nu gelato
Nun m'accatte 'na granita
Si te dico: "tengo sete" tu fai finta e nun capì
Ma chi sa qua' vota ' chesta tu pure me faje murì.

Ho visto nu vestito che è un modello
Na cosa troppa bella, na cosa troppa bella.
Ho visto un pigiama per la notte
Un lusso da cocotte, un lusso da cocotte.

Arturo Arturo sii, Arturo Arturo seh.
Sto parlanno 'nfaccia'o muro
Si me spezzo pure 'e gambe
Tu nemmeno dint' 'o tram si capace 'e me purtà.

Artù? Artù? Tu non ci senti più?
Fusse scemo? Fusse pazzo?
Sto parlanno 'nfaccia 'o muro, Arturo.

'O bello è ca si pure viziusiello
Te pigli nu passaggio ogni dduje passe
M'abbracci, mi solletichi, te spassi.
E io me tengo a posta e c'aggia fa'?

L'altra sera 'int 'a cumana
Stavi un poco fatto a vino
Me rumpiste 'a giacchettina, chesto po' pure se fa?
Io mo dico me l'haje rotta? E mo n'ata 'a vuò 'ccattà?

Ho visto una giacchetta da Stracann'
Ca 'a tengo proprio 'nganna, ca 'a tengo proprio 'nganna
Ho visto certe calze trasparenti
Na cosa seducente, na cosa seducente.

Arturo Arturo sii, Arturo Arturo seh.
Sto parlanno 'nfaccia'o muro
Io t' 'o ddico e me rincresce, eh
Tu nemmeno 'e ccape 'e pesce si capace 'e m'accattà.

Artù? Artù? Tu non ci senti più?
Fusse scemo? Fusse pazzo?
Sto parlanno 'nfaccia 'o muro, Arturo.

Me vuò purtà 'a mangià addu 'a Bersagliera
Almeno pe' na sera, almeno pe'na sera?
M'accatte nu babbà e na sfugliatella?
Na lira 'e caramelle, na lira 'e caramelle?

Arturo Arturo sii, Arturo Arturo seh.
Sto parlanno 'nfaccia'o muro
Che mi importa ca si ricco
Tu nemmeno 'e franfellicchie si capace e m'accattà

Artù? Artù? Tu non ci senti più?
Fusse scemo? Fusse pazzo?
Sto parlanno 'nfaccia 'o muro, Arturo.

- Alfredo Mundo.

---

Teksty umieszczone na naszej stronie są własnością wytwórni, wykonawców, osób mających do nich prawa.