---

Mira, mira, mirade
mira cantu dolore!
Mira, mira, mirade
sas lagrimas 'e sa mama 'e Deus
ma non la giamedas “Maria”
non la giamedas “Maria”

Sende mortu cun rigores
Su coro de s'anima mia,
no mi giamedas Maria
si non Mama de dolores.

No mi giamedas Maria
si non Mama de dolores.

No mi giamedas Maria
E ne de grazia piena
Ma de dolores e penas
De turmentos e agonia
Ca bido sa vida mia
Intregada a traitores.

No mi giamedas Maria
si non Mama de dolores.

Giamademi s'affligida
Giamademi s'attristada
Sa de penas carrigada
Sa de ispadas ferida
De fizu meu sa vida
Es dada a crucifissore.

No mi giamedas Maria
si non Mama de dolores.

No mi nedas beneita
Intro 'e sa feminas ria
S'incontra s'anima mia
Trista dolente e aflita
Daghi l'apu dadu sa tita
Senz'aer tantu dolores.

No mi giamedas Maria
si non Mama de dolores.

Mira, mira, mirade
Mira cantu dolore

---

Teksty umieszczone na naszej stronie są własnością wytwórni, wykonawców, osób mających do nich prawa.