---

Quanno spónta la luna a Marechiare
Pure li pisce nce fanno a ll'ammore.
Se revòtano ll'onne de lu mare,
Pe' la priézza cágnano culore.

A Marechiare nce sta 'na fenesta,
La passione mia nce tuzzuléa.
Nu garofano addora 'int 'a na testa,
Passa ll'acqua pe' sotto e murmuléa.
A Marechiare nce sta na fenesta!

Ah, ah, ah, ah, ah, ah, ah, ah
A Marechiare, a Marechiare nce sta na fenesta!

Chi dice ca li stelle só lucente,
Nun sape st'uocchie ca tu tiene 'nfronte!
Sti ddoje stelle li ssaccio i' sulamente,
Dint' a lu core ne tengo li ppónte,
Chi dice ca li stelle só lucente.

Scétate, Carulí, ca ll'aria è doce.
Quanno maje tantu tiempo aggi' aspettato!
P'accumpagná li suone cu la voce,
Stasera na chitarra aggi' purtato.
Scétate, Carulí, ca ll'aria è doce!
Ah, ah, ah, ah, ah, ah, ah, ah
Ascétate, ascétate,
Scétate, Carulí, ca ll'aria è doce!

---

Teksty umieszczone na naszej stronie są własnością wytwórni, wykonawców, osób mających do nich prawa.